“Даншиг наадам-Хүрээ цам” шашин, соёлын наадам Хүй долоон худагт амжилттай зохион байгуулагдаж байна.
Одоогоор хүчит бөхийн барилдаан эд дундаа ороод байна. Хоёр дахь удаагаа болж буй Даншиг наадмыг сонирхох гадаадын жуулчдын тоо өмнөх жилээс ихэссэн бөгөөд 1000 гаруй жуулчин “Даншиг наадам-Хүрээ цам” шашин, соёлын наадмыг үзэхээр хүрэлцэн иржээ.
Даншиг наадмын үндэсний сурын харваанд нийт 400 гаруй харваачид цэц мэргэнээ сорьж байна. Үүнээс 280 эрэгтэй байгаа бол 100 гаруй эмэгтэй харваачид бүртгүүлжээ. Үндэсний сурын харвааны эхэн болон дунд өрөг өнөөдөр явагдаж, маргааш адаг харваа болсноор Даншгийн шилдэг харваачид тодрох юм.
Ц.БАТТУЯА