“Даншиг наадам-Хүрээ цам 2016” шашин соёлын наадамд хүчит 256 бөх барилдаж байна. Бөхийн зүүн талыг магнайлж арслан Р.Пүрэвдагва, барууны талыг магнайлж заан Б.Гончигдамба тэргүүлэн барилдлаа. Даншиг наадмын эхний өдрийн хүчит бөхийн барилдаан дөрвийн даваагаар өндөрлөлөө.
Маргааш тавын даваанаас эхлэн Даншигийн Начин, Заан, Арслан зэрэг цол олгож эхлэнэ. Наадмын түрүү бөхийн бай, шагналыг Үндэсний их баяр наадмын түрүү бөхийн байтай адилхан олгох аж. Өнгөрсөн жил даншиг наадамд улсын арслан Р.Пүрэвдагва түрүүлж, даншгийн арслан цол, үзүүрт улсын гарьд Б.Гончигдамба даншгийн заан цол хүртсэн билээ.