Муу хүний тарих балаг багаддаггүй юм байна. Монголын биеийн тамир, спортын хөгжлийн төвийн даргаар Шударга ёс эвслээс намын томилгоогоор тохоогдсон, Оюутны спортын холбооны дарга, Голомтын гэх тодотголтой Д.Жаргалсайханы их спортод учруулсан хохирлыг хэмжих аргагүй болжээ. Монголын баг, тамирчдын 4 жилийн нөр их хөдөлмөр, судалгаа, урсгасан хөлс хүч, зарцуулсан хөрөнгө мөнгө талаар нэг урслаа. Түүнийг Бразилид томилолтоор зугаалах зуур өнөөдөр үүрэгт ажлаас нь чөлөөлөх шийдвэрийг гаргалаа. Шигшээ багийг мэргэжлийн түвшинд удирдаж чадаагүй, тамирчдын визийг урьдчилан зохицуулаагүйгээс 20 орчим тамирчид хугацаандаа явж чадалгүй хойшилж, бэлтгэл сургуулилт тасарсан, нийт тамирчид 24-нд Риод очих байсныг 28 болгон дураараа өөрчилсөн, бууны төрөлд оролцох тамирчдын бууг хил давуулан авч гарах тусгай зөвшөөрлийг аваагүй зэргээс үүссэн хил гаалын асуудал, түүнээс улбаалсан санхүү эдийн засаг, бэлтгэл сургуулилт, сэтгэл зүйд учирсан дарамтыг тус төвийн дарга ба түүний шадар Ч.Эрдэнэтуяа нартай холбож тооцохоос өөр аргагүй.
.JPG)
Хамгийн сүүлд гэхэд л Олимпод оролцох баг тамирчдын 200 чемоданыг бэлдэх нэрээр 35 сая төгрөгөөр хувийн БИЗНЕСЭЭ ЦЭЦЭГЛҮҮЛЭЭД АМЖСАН Д.Жаргалсайханы томилолтыг зогсоож, эх оронд нь дуудаж, улсын мөнгө хөрөнгөөр зугаацахыг нь зогсоох нь зөв гэж тамирчид саналаа хэлж эхэлжээ.
5 алт, мөнгө хүрэл гээд дор хаяж 8 медаль авчирч, олимпийн дээд рекорд хийнэ гэж том "ам" гараад одсон Д.Жаргалсайханаас улсад учруулсан мөнгө санхүүгийн хохирлыг нэхэмжлэх нь багадна. Түүнтэй спортын нийт үйл ажиллагааны хариуцлагыг ч тооцох шаардлагатай гэж сошиал ертөнцөөр бичиж байна. Түүнд Монголын тамирчдын амжилт чухал биш, хувийн эрх ашиг хонжоо нь түүнээс эрхэм чухал байжээ. 2008 оны Бээжингийн, 2012 оны Лондонгийн олимпод Монголын баг тамирчид Мизуногын цүнх саваар гоёсон. Их аварга Дагвадорж оролцож тамирчдадаа өгч байсан тус цүнхээр Монголын тамирчид өдийг хүртэл гоёж буй бол Д.Жаргалсайханы нийлүүлсэн цүнхний амсар нь шинээрээ задарч, оосор бүч нь тасарч, цахилгаан нь эвдэрч, дугуй нь салж, тамирчдад төвөг учруулж, сэтгэл санаанд нөлөөлж, улс орны нэр төрийг гутаалаа.
Монголын тамирчдын бэлтгэл сургуулилт сайн байсан ч, зохион байгуулалтын ихээхэн алдаа гаргасны горыг тамирчид маань амсаж байна. Мэдээж тамирчдын алдаа дутагдал байгааг үгүйсгэхгүй. Гэхдээ л Жаргалсайхан шиг хүний тарьсан балгийг тамирчид арилгаж дийлэхгүй нь. Түүнийг бушуухан эх орондоо ирээсэй, арга хэмжээ авах юмсан хэмээн Монголчууд тэсэн ядан хүлээж буйгаа илэрхийлж эхэллээ.
.JPG)
Ц.ЭНХБАТ
