Одоогоос 4 жилийн өмнө шүүх хурал болж Н.Энхбаярыг хорьсон. Тэгвэл 4 жилийн дараа Риогийн олимпийн үеэр Н.Энхбаярыг дахин дуудаж эхэллээ. Саяхны өдөр, АТГ-аас МАХН-ын байранд нь очиж эхний байцаалтыг авав. Н.Энхбаярын хувьд өмгөөлөгчгүй мэдүүлэг өгөхгүй гэсэн байр суурин дээрээ зогссон хэвээр. Харин АТГ-аас Соёл-Эрдэнэ гэгч өмгөөлөгчийг аваачсан ч, Н.Энхбаяр түүнийг нь зөвшөөрөхгүй гэдгээ илэрхийллээ.
Өмгөөлөгчийг тулгаж өгөх ёсгүй. Дүлий сохор, цаасаар авахуулах, мөнгө төлбөрийн чадваргүй нэгэнд өмгөөлөгч тулгадаг. Тиймээс өмгөөлөгчөө өөрөө сонгоно гэж тэр хэллээ. Асуудал нь, одоогийн МАХН-ын байрыг худалдан авсан, өгсөн гэдэгтэй холбоотой маргаан юм. Уг байрыг эзэмшигч асан Гизбург, Ничкаров нар Н.Энхбаярыг мөнгөө дутуу өгсөн хэргээр шүүхэд хандсан юм.
С.ДЭЛГЭР