Ингэж гадаадын спортын хэвлэлд бичиж эхэлжээ. Ялангуяа жудогийн найдлага болсон М.Уранцэцэг, Н.Түвшинбаяр нарыг медальгүй үлдсэний дараа жудогоор дагнасан спортын тоймчид ингэж дүгнэсэн байна.
Монголчууд ганц мөнгөн медальтай. Монголын жудочид өөр медаль авах найдлагагүй болсон тухай бас дурдсан байна. Үнэхээр ч манайхан тааруухан оролцож байгааг хэнээр ч хэлүүлэлтгүй харж байна. Бокс болон жүдогийн тамирчдын бэлтгэл дутуу, сэтгэл зүйн бэлтгэл хангагдаагүй, тактикаа гүйцэд боловсруулаагүй, өрсөлдөгч бүртээ тохируулсан барилдааны тактик хувилбар үгүйлэгдэж буй нь барилдаан бүрээс анзаарагдлаа.
Жүдо бөхийн орчинд шинэ уур амьсгал оруулах цаг болсныг Риогийн олимп харууллаа. Их санасан газар 9 шөнө хоосон гэдэг үлгэр биелэх нь. Итгэл найдвар тавьсан буудлагынхан финальд ч хүрч чадалгүй мултарсан.
Ширэн бээлийтнүүдийн хувьд ч медальд хүрэх найдлага муутай харагдах болов. Одоо ганц л найдвар үлдлээ. Энэ бол чөлөөт бөхийн төрөл. С.Батцэцэг, Г.Мандахнаран гээд 4-ийн дөрвөн шилдэг бөх маань л Монголчуудыгаа баярлуулах үлдлээ. Тэд нар маань бусдынхаа алдааг бүү давтаасай билээ.
Э.ЦЭНД
