Ширэн бээлийтний олимпийн медалийн буухиаг Д.Отгондалай үргэлжлүүллээ. Тэр хүчтэй өрсөлдөгчөө буулгаж авснаар Рио-2016 олимпоос хүрэл медалийн болзол хангалаа.
Одоо медалийнхаа өнгийг хувиргах тулаан хийнэ. Мөнгө болгож хослуулах уу, алт болгож дээшлүүлэх үү? гэдгийг хүлээх боллоо. Боксчдын хувьд 24 цагийн завсарлагатайгаар дараагийн тоглолтоо хийх олон улсын дүрэмтэй.
Тэр ялалт байгуулсныхаа дараа,- "Нойроо хасан намайг дэмжсэн Монголчууддаа баярлалаа. Энэ медалиа эхнэр болон охиндоо зориуллаа. Медалийнхаа өнгийг хувиргахын төлөө хичээнэ" гэж хэллээ. Жинхэнэ тамирчин гэж чухамхүү Д.Отгондалайг хэлэх байх. Дайчин, эрэмгий, өрсөлдөгчдөдөө бололцоо олгохгүй давших түүнийг медалийнхаа өнгийг хувиргаж чадна гэж монгол ахан дүүс нь хүлээж байна.
Э.ЦЭНД