Эцэг эхчүүдийн хараа хяналтгүй сул байдлаас үүдэн бага насны хүүхдүүд буцалсан ус, халуун тогоотой хоолонд түлэгдэх явдал гарсаар байна. Өчигдөр л гэхэд Өмнөговь аймгийн Ханхонгор суманд гэртээ байсан зургаан настай хүү буцалсан халуун ус руу унаж түлэгдэж, биедээ түлэнхий хүнд шарх авчээ. Хүү ГССҮТ-ийн Түлэнхийн тасагт хэвтэн эмчлүүлж байгаа юм байна. Тиймээс цагдаагийн байгууллагаас эцэг эхчүүдийг хүүхдэд тавих хараа хяналтаа сайжруулж, халуун тогоо, буцалсан ус зэргийг хүүхдээс хол байлгахыг анхааруулж байна.
