Монголчууд бид сүсэг бишрэлтэй ард түмэн. Эдэлж хэрэглэж байгаа зүйлсээ өөрт ивээл өнгөтэй байхаас нь авахуулаад бүхий л талаас нь шинжин байж авдаг.
Гэтэл амь насанд сүвтэй хэн хаана унаж яваад осолд орсон, тэр ослоос нь болж хэдэн хүн энэ машинтай нас барсан нь тодорхойгүй осол, аваар, үхэл дуудсан машинуудыг хилээр оруулж ирэн Вьетнам засварын газруудаар ямар ч сэвгүй болтол нь засуулаад монголчууддаа зарж байна. Машиныг шинэ мэт засаж янзалж болох ч тэр хар энерги арилна гэж үгүй.
Ийм сэг болсон машиныг засаад зарж, түүнийг нь авсан олон иргэн осол аваарт ордог байхыг үгүйсгэхгүй. Юу зарж ашиг олох нь ч машины ченж нарт өөрсдөд нь нөлөөлдөг баймаар даа ядаж Хил гаалийнхан ийм төмрийн сэгнүүдийг оруулахгүй байвал энэ зогсчих асуудал.
Л.ГАНТУЯА
