2015 оны 5-р сард Катарын Доха хотноо насанд хүрэгчдийн Ази тивийн аварга шалгаруулах тэмцээн болсон.
Тус тэмцээнийг манай баг тамирчид бүрэн бүрэлдэхүүнээрээ зорьсон ч эрэгтэй гурван тамирчин, нэг дасгалжуулагчийн хамт визний асуудлаас болж, замаасаа буцсан билээ.
Азийн аваргад бүтэн багаараа оролцож байж ДАШТ-ний жин бүрт орох эрхийг авах байсан болзлын дагуу дасгалжуулагч нар тамирчдынхаа өмнөөс дэвжээнд гарсан. Ингээд дасгалжуулагч Ц.Цогтбаяр 97 кг-д, эмэгтэйчүүдийн шигшээ багийн ахлах дасгалжуулагч Б.Батбаяр 125 кг-д тамирчдынхаа өмнөөс барилдаж, VII, VIII байрт орсноор багтаа шагналын оноо авчирч байсан. Визний асуудлаасаа болж Бээжин хотын цагдаагийн газарт саатуулагдаад монголдоо ирж байсан тамирчдынхаа өмнөөс ДАШТ-д барилдаж байсан харин энэ удаа дасгалжуулагчид РИО-ийн олимпоос хүрэл медаль авсан ч шүүгч нарт луйвардуулсан тамирчныхаа өмнөөс РИО-2106 олимпийн дэвжээн дээр эсэргүүцлээ илэрхийллээ.
Үнэхээр шүүгчдийн булхайтай шүүлтээр Г.Мандахнаранг Узбекистаны Ихтиёр Наврузов ялсан байх магадлал өндөр байна.
И.Наврузовын шөвгийн наймд ДАШТ-ний мөнгөн медальт Ф.Гоместой хийсэн барилдааны шүүлт булхиатай болсон нь илчлэгджээ. Эл барилдаанд ч бас шүүлтийн булхай орсонг Дэлхийн бөхийн нэгдсэн холбоо хүлээн зөвшөөрч, тус барилдааныг шүүж байсан БНСУ-ын Тон Кун Чун, Гүржийн Темо Казарашвили, ОХУ-ын Сергей Новакоский нарыг хөөжээ. Шөвгийн наймд булхайгаар үлдсэн Узбекистаны Ихтиёр Наврузовын медалийг хурааж шийтгэх гомдлыг дэлхийн бөхийн холбоонд гаргаж яагаад болохгүй гэж.
Л.ГАНТУЯА
