1990 оны эхээр Монголчууд ийм байдалд орж, зовлонг нь туулж үзсэн. Олон улсын валютын сан, Дэлхийн банк зэрэг олон улсын банк, санхүүгийн байгууллагын өгсөн чиглэл, хараан дор санхүүгийн үйл ажиллагаагаа явуулж байсан.
Өнөөдөр эргээд энэ ангал руугаа унаж эхэллээ. Монгол улс санхүүгийн хувьд чадамжгүй гэдэг ангилалд багтлаа. Тиймээс гаднынхан Монголын санхүүг удирдан залах дээр ирлээ. Санхүүг удирдан зална гэдэг бол Монгол улсыг тэд мэднэ гэсэн үг. Ийнхүү Монгол улс өөрөө өөрийгөө мэдэхгүйдээ тулжээ.
Одоо олон улсын банк, санхүүгийн байгууллагуудын тулгалт ирнэ. Тэд нөхцөлөө тавина. Түүний эхлэл нь, хүлээгдэж буй Станд бай хөтөлбөр. Түүнд орсон нөхцөлд ОУВС-ийн дохио, зангаагаар хөдлөх л үлдэнэ. Хамгийн сул тал нь, гадны улс орон, байгууллагатай нээлттэй харилцах, тэднээс хөрөнгө босгох бүхий л ажиллагаа чөдөрлөгдөх аюултай. Өөрөөр хэлбэл, санхүү эдийн засгийн бие даасан байдлаа алдаж, ОУВС-ийн хараат болно гэсэн үг. Арчаагүй байдлаасаа болоод, хараат болох нь.
Ц.ХИШГЭЭ
