Гайхаж, гаднын хэвлэлд ингэж бичиж байна. Газрын хөрсөн дороо баян, өргөн уудам газар нутагтай, тал дүүрэн бэлчих мал сүрэгтэй, гуравхан сая хүн амтай. Ийм улсыг хөгжүүлэн цэцэглүүлэх, ард иргэдийг нь хангалуун сайхан амьдруулна гэдэг бол санааных гэж дуу алдана.
Харин ядуу амьдруулна гэдэг бол биелүүлэхэд хамгийн хүнд хэцүү даалгавар гэж дэлхийн топ менежерүүд шогширч байна. Гурван сая хүн ам гэдэг бол томоохон компанийн ажилтдын тоо юм. Ийм цөөхөн хүн амтай, ийм баян улс орныг хэн удирдахаараа ийм нөхцөлд хүргэв ээ? гэдгийг асууж байна.
Монголд зөв засаглал байхгүй болжээ гэдгийг энэ үг, өгүүлбэрүүд илэрхийлж байна. Зөв сэтгэлтэй удирдагч ч үгүйлэгдэж байна. Хэдхэн хүн, цөөн гэр бүл, гаднын гар хөл бологчид, улс орноо гэх сэтгэлгүй хүмүүсийн балаг улс орныг хөлдөө чирлээ. Гаднын мэргэжилтний үгийг ингэж л унших үлдлээ.
Ц.ЭНХБАТ