.jpg)
Ц.Элбэгдорж ерөнхийлөгч наймдах буюу, сүүлчийнхээ хичээлийг заалаа. Түүний энэ удаагийн хичээлийн сэдэв нь үндсэндээ, АСЕМ байлаа. Түүнийг нь "Монголын нэр ертөнцийн чихнээ" хэмээн нэрлэснээс нь анзаарч болно. Өөрөө автор нь учир, түүнийгээ дөвийлгэлээ гэж хэлэх нэгэн ч таарна. Наймдах удаагийнх, сүүлчийнх нь болоод ч тэр үү, нэг л явж өгсөнгүй гэж ажиглагчид дүгнэжээ. Хичээл нь улиг болоо юу, багшийнх нь заах арга барил нь хуучраа юу? Сонирхол татах нь нэгэнт багасчээ. Телевизээр л шууд явснаас биш, олон нийтэд олигтой тархаагүй байна. Ерөнхий сайд, Боловсролын сайд нар ёс болгон сургуулийн нээлтэд оролцож, ёстой л албан үүргээ гүйцэтгэлээ.
Харин УИХ-ын гишүүн С.Жавхлан цоо шинэ зүйл сэдэж чаджээ. Тэр сэтгэлээ шингээсэн байна. Анхны цалин болох 1,500,000 төгрөгийг эрдмийн босго алхаж буй Монголын охид, хөвгүүдэд зориуллаа. Тэр цалингаараа дээл захиалан оёулж, түүнийгээ өөрийн сонгогдсон Баянзүрх дүүргийн 85-р сургуулийн 1-р ангийн охид, хөвгүүдэд бэлэглэлээ.
Анхны цалингаараа нэг ангийн охид хөвгүүдэд формын дээл бэлэглэсэн нь ерөнхийлөгчийн сурталчилгааг хол давсан байна.
Сошиалд, -Үлгэрлэхгүй бол үглээд хэрэггүй гэж нэгэн нэрээ бичээгүй сэтгэгдлээ үлдээжээ. Хөх тэнгэртэйгээ адилхан хөх өнгийн дээлээр гоёсон охид, хөвгүүд бусдаас онцгойрон эрдэм номыг сурахаар ангиа зорилоо.
Ц.ХИШГЭЭ
