Хичээлийн шинэ жилийн эхний өдөр 8 хүүхэд зам тээврийн осолд ороод байна. Осолд өртсөн хүүхдүүдийн 3 нь хичээлээ тараад ганцаараа явж байгаад ийнхүү осолд өртсөн байна... Иймээс Замын цагдаагийн газраас Замын хөдөлгөөний аюулгүй байдлын тухай хуулийн 13.2.7-т заасан “Эцэг эх, асран хамгаалагч, бүх шатны боловсролын байгууллагын холбогдох албан тушаалтан 10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх” гэснийг үндэслэн асран хамгаалагч, тухайн сургуулийн багш, захирал, эцэг эхийн эргүүлээр ажиллаж байсан хүмүүст хуульд заасны дагуу хариуцлага тооцуулахаар шалгалтын ажиллагааг эхлүүлжээ. Хүүхдээ харгалзах хүнгүйгээр замын хөдөлгөөнд оролцуулбал торгоно гэж ЗЦГ-аас мэдэгдэж байна.
Л.ГАНТУЯА
