Өчигдөр буюу 9-р сарын 3-нд Эрээн хотод Монголын улсын жижиг дунд үйлдвэрлэгчид болон манай улсын томоохон үйлдвэрүүд өөрсдийн бараа бүтээгдэхүүнийг борлуулах худалдааны нэгдсэн төвтэй болж байна. Ингэснээр манай улсын үйлдвэрлэгчид бараа бүтээгдэхүүнээ Эрээн хотын иргэдэд борлуулах үүд хаалга нээгдэж байгаа юм. Энэ бол Монгол, Хятадын хилийн иргэдэд зориулсан худалдааны анхны бүс болж байгаараа онцлог.
Энэ худалдааны бүс Засгийн газар, хяналт шалгалтын нэгдсэн байгууллага, аж ахуй нэгжүүдийн хамтарсан менежментийн журмаар ажиллаж, аж ахуйн нэгжүүд бие даан үйл ажиллагаа явуулах юм. Үүнийг ажиллуулснаар Монгол, Хятадын сайн хөршийн найрсаг харилцаа, хамтын ажиллагаа бэхжин хөгжиж, манай улсын бараа бүтээгдэхүүн урд хөршид танигдах, цаашилбал жижиг дунд үйлдвэрлэл хөгжихөд томоохон ахиц гарна гэж үзэж байна.
А.САЯН
