Энэ сарын 16-ны өдөр буюу, баасан гарагт АН-ын Үндэсний Зохицуулах Хороо хуралдана. Энэ хурлаар АН-ын дарга З.Энхболд, ерөнхий нарийн бичгийн дарга Эрхэмбаяр нар өөрийн багийн хамт хариуцлага хүлээж, намын сонгуульт ажлаа өгөхөө зарласан. Одоо тус намын дарга, З.Энхболдын залгамжлагч хэн байх вэ? гэдэг асуудал олны сонирхлыг татаж байна.
Лу.Болд, Д.Эрдэнэбат, Я.Санжмятав нарын УИХ-ын гишүүдээс гадна, ерөнхийлөгчийн тамгын газрын дарга асан П.Цагаан энэ сунгаанд гэнэт орж ирсэн. Э.Бат-үүл АН-ын даргад өрсөлдөх сонирхолтой байсан ч, хууль хүчний байгууллагаас С.Зоригийн хэрэгт яллагдагчаар татсанаар түүнийг энэ өрсөлдөөнөөс зайлууллаа. АН-ын хувьд, Баасан гарагт шинэ удирдлагатай болно.
Харин хэн байх вэ? гэдэгт намын гишүүдийн хувьд төдийгүй, нийгмийн анхаарлын төвд байна. Ардчилсан нам хэрхэн шинэчлэгдэхээс илүү, хэн дарга болох вэ? гэдэг асуудал гишүүдийн дунд ч давамгайлжээ.
Л.ГАНТУЯА