Ийм нэгэн цуу сошиал ертөнцөөр эрчимтэй тарж эхлэв. МАХН-ын дарга Н.Энхбаяр өөрөө тараав уу? Хэн нэгэн зохион байгуулав уу? гэдгийг мэдэх эх сурвалж олдохгүй байна. Н.Энхбаярын хувьд АН-тай хэд хэдэн удаа Н.Алтанхуяг, З.Энхболд нарыг тус намын дарга байхад нь хамтарч сонгуульд орох тухай мэдэгдэж, тодорхой алхам хийж байсан нь үнэн. Н.Энхбаяртай нэгдэх гэсэн оролдлого хийсэн нь Н.Алтанхуягийг намын даргаа, ерөнхий сайдын сэнтийгээ өгөх үндэслэл болсон гэж судлаачид ч үздэг.
Харин З.Энхболдын хувьд Таван толгойг улсдаа авч үлдэнэ гэдэг үзэл баримтлалаараа Н.Энхбаяртай нэг шугаманд зогсдог. Тэгвэл, Н.Энхбаярыг АН-д элсэх болсон гэх мэдээллийг МАХН-ын баттай эх сурвалж няцааж байна. Харин орон нутгийн сонгуульд АН, МАХН-тэй нэг эвсэл болж орох магадлал байхыг үгүйсгэж чадсангүй.
Ц.ХИШГЭЭ