Төрийн банкны орлогч захирал Т.Дорждэрэмийг өнгөрсөн баасан гарагт АТГ-ын Мөрдөн шалгах хэлтсээс саатуулжээ. Эх сурвалжийн мэдээлснээр түүнийг Эрүүгийн хуулийн 268 дугаар зүйлд заасан хээл хахууль авч, эрх мэдлээ урвуулан ашиглаж, банкны хууль тогтоомж зөрчсөн гэх үндэслэлээр сэжигтнээр тооцон цагдан хорьсон аж.
Энэ талаар АТГ-ын албаны эх сурвалжаас тодруулахад “Тийм зүйл болсон нь үнэн. Хэргийг шалгаж байгаа учраас дэлгэрэнгүй мэдээлэл өгөх боломжгүй” гэлээ.
Мөн төрийн өмчийн банкны хөрөнгийг зориулалт бусаар зарцуулж, найдваргүй зээл их хэмжээгээр олгосон гэх дээрх хэрэгтэй холбогдуулан тус банкны хэд хэдэн ажилтнуудыг шалгаж магадгүй гэх мэдээлэл байна.
Л.ГАНТУЯА