Зарим хэвлэл мэдээллийн хэрэгслээр шөнийн цэнгээний газруудыг 00.00 цагаас хойш үйл ажиллагаа явуулахыг хориглосон тухай мэдээлэл гарсан. Тэгвэл энэ мэдээлэл үндэслэлгүй бөгөөд одоогоор Нийслэлийн засаг дарга энэ талаар ямар нэгэн захирамж гаргаагүй, шөнийн цэнгээний газрууд хуучин цагийн хуваариар буюу 04.00 цаг хүртэл үйл ажиллагаа явуулж байгаа гэдгийг холбогдох газраас мэдээллээ.
Нийслэлийн хэмжээнд 1500 гаруй шөнийн цэнгээний газар, караоке үйл ажиллагаа явуулдаг байна. Эдгээр газрууд 04.00 цаг хүртэл ажилладаг болсноор ахуйн хүрээнд архидан согтуурах болон гэмт хэргийн гаралт буурч, аялал жуулчлалын улиралд аж ахуйн нэгжүүдийн орлого тодорхой хэмжээгээр нэмэгддэг ажээ.
А.САЯН
