Control.mn мэдээллийн сайтаас явуулсан санал асуулгаар 85,6% нь гадаадын банкийг Монголд оруулж ирэх нь зөв гэж санал өгчээ. Дөнгөж 14,4% нь буруу хэмээн дэмжээгүй дүн гарлаа.
Монголын банкны салбарынхан тууштай эсэргүүцэж буй. Тэд улс орны эрх ашиг, банк санхүүгийн тусгаар тогтнол гэдэг үгээр халхлан өөрсдийнхөө бизнесийг алдахгүйг хичээж байна.
Харин ард иргэд, бизнес эрхлэгчид Монголын банкуудад дургүйцлээ илэрхийлсээр байна. Банк бол дэмжигч гэхээсээ илүү өрсөлдөгч, шулагч, хүүлэгч, мөлжигч болон хувирсан байна. Хүмүүс зээл авснаараа амьдрал нь сайжирсангүй, харин банкны хүүний төлөө нуруугаа бөхийтэл, хуруу хумсаа хугартал зүтгэж байна. Хамгийн өндөр хүү хаана байна, Монголд л байна. Монголын ард түмэн, Монголын бизнес эрхлэгчдийг хэн хамгийн их шулж мөлжиж байна, энэ бол Монголын банк болжээ. Юуны чинь, Манжийн өрийн данс гэж иргэд хэлж байна. Мэдээж мөнгөний эргэлтийн тухайд харьцуулах зүйлгүй. Агуулгын хувьд түүнээс дорджээ.
Э.ҮҮЛЭНЦЭЦЭГ