Сүхбаатар дүүргийн 1-р хороонд энэ сарын 9-10-нд шилжих шөнө ноцтой зэвсэгт дээрмийн гэмт хэрэг гарсан талаар бид өмнө нь мэдээлсэн. Энэ гэмт хэргийг голлон зохион байгуулсан дөрвөн этгээдийг Цагдаагийн байгууллага шуурхай илрүүлж, цагдан хорих, таслан сэргийлэх арга хэмжээг авсан.
Тэгвэл уг гэмт хэрэг дээр гурван хүнийг улсын хэмжээнд эрэн сурвалжилж байгаа талаар ЦЕГ-аас мэдээлсэн билээ.
Эрэн сурвалжлагдаж байсан С.Галбадрах гэгчийг Орхон аймгийн нутаг дэвсгэрээс баривчилсан бол Нямгэрэл овогтой Билэгбаатарыг СХД-ийн нутаг дэвсгэрээс саатуулан баривчилж эрэн сурвалжлах ажиллагааг зогсоолоо. Хэрэгт холбогдсон Батбаатар овогтой Насангэрэлийг үргэлжлүүлэн эрэн сурвалжилж байна.
Б.БАТБААТАР