Өчигдөр орсон цас нийтийн тээврийн байгууллагын үйл ажиллагаанд гэнэтийн шалгалт хийж дүн тавьсан өдөр байлаа.
Замын хөдөлгөөнд оролцож байсан нийтийн тээврийн үйлчилгээний автобустай холбоотой 21 зөрчил бүртгэгдсний 11 нь зам тээврийн осолд холбогдсон бол 10 автобус нь тээврийн хэрэгслийн техникийн бүрэн бус байдлаас шалтгаалан түр буюу удаан зогсож түгжрэл үүсгэж иргэдийг ихээхэн бухимдуулсан байна.
Иймд нийтийн тээврийн үйл ажиллагаа явуулдаг аж ахуй нэгж байгууллагууд энэ зөрчил дээрээ анхаарахыг сануулж байгаа юм. Мөн тээврийн хэрэгслийнхээ бүрэн бүтэн байдал, өглөө болон оройны гаралтыг сайтар шалгаж замын хөдөлгөөнд оролцуулах, техникийн саатлаар зогссон нөхцөлд түргэн шуурхай эвдрэлийг засах, зам чөлөөлөх, жолооч нарын ур чадварыг дээшлүүлэх тал дээр анхаарах шаардлагатай байна гэж ЗЦГ-аас анхааруулж байна.
