Архивын лавлагаа, магадлагааны захиалгыг АЕГ-ын цахим хуудсаар дамжуулан онлайнаар авах программ хангамжийг боловсруулж дуусган, туршилтын ажил хийгдэж эхэлжээ. 11-ээр сараас эхлэн иргэд захиалгаа онлайнаар өгөх боломж бүрдэнэ. ҮТА, аймаг нийслэлийн төрийн архивт баримт нь хадгалагдаж буй бүх байгууллагуудын жагсаалт, баримтын оны хязгаарыг багтаасан мэдээллийг цахим хэлбэрээр АЕГ-ын цахим хуудаст байршуулжээ.
Мөн түүнчлэн Архивын газар лавлах утастай боллоо. Төрийн үйлчилгээг иргэдэд ойртуулах зорилгоор АЕГ, ҮТА-аас үзүүлж буй үйлчилгээ, сургалт, архив, албан хэрэг хөтлөлтийн талаар мэдээ, мэдээлэл өгөх зорилготой 1800-1205 дугаартай лавлах утсыг 2016 оны 10 дугаар сараас эхлэн ашиглалтад орууллаа. Лавлах утас ажлын өдрүүдэд 08.30-17.00 цагийн хооронд энгийн утасны тарифаар үйлчилж байна. Сүүлийн 100 хоногийн хугацаанд 3320 иргэн, байгууллагаас 8250 архивын лавлагаа, магадлагааны хүсэлт хүлээн авч, шийдвэрлэсэн байна.
О.НАНСАЛМАА