Нийслэл хотынхоо төрсөн өдрөөр жил бүр “Их хотын хямдралтай худалдааг” Сүхбаатарын талбайд зохион байгуулдаг билээ.
Тэгвэл уламжлал ёсоор өнөөдөр 11 цагт “Их хотын хямдрал 377” худалдаа эхэллээ. Худалдаанд нийт 80 орчим үндэсний үйлдвэрлэгч томоохон импортлогч, аж ахуйн нэгжүүд оролцон иргэдэд хямдралтай үнээр бараа бүтээгдэхүүнээ санал болгож байна. Өмнөх жилүүдэд хүнсний үйлдвэрлэгчид зонхилдог байсан бол энэ удаад ноос, ноолуур, савхин эдлэл, гар урлал болон бэлэн хувцас, гутал цүнх гэх мэт хувцас хэрэглэлүүд ихээр дэлгэгджээ. “Их хотын хямдрал 377” худалдаа өнөөдөр болон маргааш үргэлжлэх юм байна.
А.ГАНТУЯА