ГССҮТ-д ирдэг хүүхдүүдийн 80 хувийг халуун тогоонд түлэгдсэн хүүхэд эзэлдэг байна. БГД-ийн 7-р хороонд “Дорнод аймгийн Хэрлэн сумаас гэмтсэн хүүхэд ГССҮТ-ийн Түлэнхийн тасагт ирж хэвтлээ” гэсэн мэдээлэл ирсэн байна. Мэдээллийн дагуу шалгахад 5 настай Ч. 10 сарын 28-нд гэртээ цахилгаан тогоон доторх халуун хоолонд унаж, түлэгдсэн байна.
Гэмтлийн эмнэлэгт ирж байгаа хүүхдүүдийн 80 хувь нь түлэгдэлтийн байдалтай ирдэг бол үүний 80 хувь нь халуун тогоонд түлэгдсэн байдаг ажээ. Харин түлэгдэлт өвчнөөр ГССҮТ-д жилд 1200 хүн хандсан бол үүний 850 орчим нь 0-4 насны хүүхдүүд байдаг юм. Тиймээс халуун тогоонд хоол цай хийхдээ хүүхдээ хол байлгах, аль болох халуун тогоог хэрэглэхгүй байхыг ГССҮТ-өөс эцэг эхчүүдэд анхаарууллаа.
О.НАНСАЛМАА
