.JPG)
Монголын Оюун Ухааны Академийн баг тамирчид өнөөдөр Америкийн Нэгдсэн Улсын Лас Вегас хотыг зорилоо. Тэд 4 жилд нэг удаа болдог "Memoriad-2016" оюуны олимпд оролцох юм.
Энэхүү олимпод манай улс 2 дахь удаагаа оролцож, Дэлхийн олон орны тамирчидтай оюунаа “уралдуулахаар” боллоо. “Энэ удаагийн олимпод манай улсаас 15 тамирчин оролцох бөгөөд насанд хүрэгчдийн ангилалд 8, бага насны ангилалд 7 тамирчин явжээ.
Оюуны спортын ой тогтоолт, чээж бодолт, хурдан уншлага зэрэг 13 төрлөөр өрсөлдөх "Memoriad-2016" оюуны олимп энэ сарын 8-аас 12-нд болно”. “Манай улсын баг тамирчид Дэлхийд 3-т эрэмбэлэгддэг бөгөөд Монгол хүний ген сэтгэн бодох чадвар Дэлхийд 5 үнэлэгддэг. Харин Монголчууд сэтгэн бодох чадвараа ашигладгаараа Дэлхийд сүүлээсээ 5 т жагсдаг” хэмээн Оюуны спортын Олон Улсын Хэмжээний Их Мастер Ө.Сэнгэсамдан хэлж байлаа.
Дашрамд дурдахад "Memoriad-2016" оюуны олимпод оролцох тамирчдын хувцсыг "Шилмэл Загвар" компанийн хамт олон урлаж өгчээ. Ингээд Дэлхийн шилдгүүдтэй өрсөлдөж эх орныхоо нэрийг өргөхөөр явж буй тамирчиддаа амжилт хүсье.
Х.ТЭМҮҮЖИННАМСРАЙ
