Монголын парламентад Японы гэх тодотголтой хэдэн хүн байсан. Лобби бүлэг ч гэж тэднийг хэлдэг байв. Энэ бол Сэдваанчиг, Ганхуяг, Гантөмөр нар байлаа. Бүгдээрээ Япон оронд багаасаа сургууль соёлд суралцсан учраас тэгэж хандаж ирсэн байх магадлалтай. Ямар ч байсан эдгээр гишүүд Япон-Монголын соёл, бизнес, улс төрийн харилцааг шинэ шатанд гаргахад нөлөөлсөн. Японтой уялдаа холбоо бүхий бизнесийг эрхэлдэг.
Тэдний дундаас УИХ-ын асан Д.Ганхуяг нь, Монгол-Японы парламентийн бүлгийн даргаар нийтдээ 8 жил ажиллаж, хоёр орны харилцааг нягтруулан хөгжүүлэхэд үнэтэй хувь нэмэр оруулсан гэж Японы Засгийн газар үнэлсэн байна. Тиймээс Ганхуягт Японы Засгийн Газраас гадаадын иргэдэд олгодог " Алт, мөнгөн од"-оор шагнах шийдвэр гаргажээ. Тус шагналыг Японы эзэн хааны ордонд олгох тул Д.Ганхуяг Япон орныг зорьсон байна.
Э.ҮҮЛЭНЦЭЦЭГ