Хамгийн бие даасан, хараат бус гэж өөрийгээ нэрлэх дуртай байгууллага бол Монголчуудын сонголтыг баталгаажуулах үүрэгтэй Сонгуулийн Ерөнхий Хороо. Эрх баригч намын гүйцэтгэх хороо мэт ажилладаг гэсэн шүүмжлэл энэ байгууллагаас салдаггүй. Тиймээс Сонгууль болгоны л дараа энэ байгууллагын дарга цэргийг сольж хольдог. Тэд энэ удаад ч гэсэн ялсан намд л үйлчилдэг болохоо харуулсан.
Баянзүрх дүүргийн сонгуулиар АН -22, МАН-19 суудал авсан байхад, МАН-ын нэр дэвшигчдийн мандатыг тэр дор нь олгосон хэрнээ, АН-ын 22-ынхыг нь хойш нь татсан. Тэдний 6 нэр дэвшигч маргаантай гэдгээр түрээ барьж, дүүргийн иргэдийн хурлын гишүүнийх нь үнэмлэхийг саяхныг хүртэл өгөхөөс хойш суусан. Түүнээс болж, өнөөдрийг хүртэл Баянзүрх дүүрэг, 2 засаг дарга, 2 ИТХ -ын даргатай явна. МАН 19-хэн суудал авсан, ирц нь 50,1% хүрэхгүй байхад хурлаа хийж, дарга нараа сонгож, будлиан үүсгэсээр. Нөгөө талд 22 суудал авсан, саяхнаас бүгд үнэмлэхээ гардаж авсан, 51%-иас дээш бүрэлдэхүүнтэй учир АН-ын тэргүүлэгчид ИТХ-лаа зарлан хуралдуулж, удирдлагаа сонгосон. Ийм л будлианыг СЕХ тарилаа. СЕХ бол улс төрийн дархлаа суугаагүй, сонгогчдын эрх ашгийг биш, эрх баригчдын эрх ашигт үйлчилдэг байгууллага болжээ.
О.НАНСАЛМАА
