Хэдийгээр бие даасан, хараат бус статустай гэх боловч, сонгууль болгоны дараа телевиз, радиогийн дарга нарыг улс төрийн зорилго, чиглэлээр өөрчилдөг.
МАН-ын хувьд ерөнхий захирал Ц.Оюундариас бусдыг нь өөрчилж амжсан. Харин шинээр очсон дарга, удахгүй явах дарга нарын хооронд сөргөлдөөн үүссэнийг ММ агентлагийн мэдээн дундуур явж буй шуурхай гэгч мэдээнээс ажиглаж болох нь. Улс оронд ямар шуурхай мэдээлэл гарваа гэтэл, өөр хоорондынхоо өчүүхэн зөрчлийг шуурхай мэдээ болгон үзэгч олныг басамжилжээ. Энэ ажлыг гардан хийсэн хүн нь ММ агентлагийн захиралаар томилогдсон Ч.Батцэнгэл гэнэ. Ч.Батцэнгэлийн ёс зүйгүй ажиллагааг ММ агентлагийн уран бүтээлчид эсэргүүцэж, түүнийг огцруулахыг шаардсан байна.
Сүүлийн мэдээгээр үзвэл, МҮОНРТ-ийн ерөнхий захирал Ц.Оюундарь ММ агентлагийн захирал Ч.Батцэнгэлийг халах шийдвэрт гарын үсэг зуржээ. Харин Оюундарийн тухай, хоёр данстай, мөнгө төгрөгний асуудал үүсгэсэн, яваандаа МҮОНРТ-ийг Худалдаа Хөгжлийн Банкинд өгөх гэж байгаа тухай Ч.Батцэнгэлийн хэлсэн ярьсныг нь холбогдох байгууллага олж тогтоохоос биш, эрх мэдлээ урвуулан ашиглаж, олон нийтийн мэдээллийн сувгыг хувийн өчүүхэн зорилгодоо ашигласныг уран бүтээлчид буруушааж байна.
А.ГАНТУЯА
