СБД-8-р хэлтэс “11-р сарын 09-нд МУИС-ийн 2-р байрны интернет кафед зөөврийн компьютероо алдлаа” гэсэн мэдээллийг хүлээн авч шалгажээ.
“БЗД-10 хороонд суух М /эр.20н/-ийн “Asus” зөөврийн компьютерийг Өвөрхангай аймаг Арвайхээр сумын харьят Л /эм.21н/ гэгч хулгайлсан байсныг илрүүлэн шалгаж байна” СБД-ийн эрүүгийн мөрдөн байцаах тасгаас мэдээллээ.
Мөн Нийслэлийн ЦЕГ-ын эрүүгийн мөрдөн байцаах тасгаас “11-р сарын 09-нд БЗД-8 “Эрдэнэтолгойн ... тоотод хулгайч орсон байна” гэсэн мэдээллийг авч шалгасан. Тус тоотод суух Л /эр.33н/-ийг гэрийнхээ хаалгыг түгжилгүй унтаж байхад “Samsung Galaxy S-5” гар утсыг БЗД-8 хороонд суух С /эм.42н/ нь хулгайлсныг илрүүлсэн байна. Шуурхай эрэн сурвалжилж илрүүлсэн уг хэргийг БЗДЦХ-3 шалгаж байгаа аж.
Энэ мэт гэмт хулгайн гэмт хэргүүд ихээр гарч байна. Иймд иргэд, аж ахуйн нэгж, албан байгууллагуудыг аюулгүй байдлаа чангатгахыг ЦЕГ-аас сэрэмжлүүлж байна.
Х.ТЭМҮҮЖИННАМСРАЙ
