УИХ-аас томилогдсон ажлын хэсэг дээр нь МҮОНРТ-ийн байранд ажиллаж байхад, дэргэдэх Цагаан Лавай студид Монголын Сэтгүүлчдийн Нэгдсэн Эвлэлийн гишүүд анхдугаар бага хурлаа хийжээ.
Радио, телевиз, сонин, сэтгүүл, цахим сэтгүүл зүй, сургалт- судалгаа гэсэн мэргэжлийн төвийн гишүүд улирч буй оныхоо ажлын тайланг тавьсан байна. Тэд ажлаа "сайн " хийсэн гэсэн дүгнэлтэд санал нэгтэй хүрчээ.
Шинээр томилогдсон МСНЭ-ийн гүйцэтгэх захирал С.Алтанцэцэг тэргүүтэй, Галаарид ерөнхийлөгчтэй МСНЭ-ийн ажлын багийг санаачлагатай, үр дүнтэй ажиллаж байгууллагын үйл ажиллагааг шинэ шатанд гаргасан гэж гишүүдийн дийлэнх үзлээ. Тус хурлаар МСНЭ-ийн цаашдын санхүүжилтийн асуудлыг хэлэлцсэн бөгөөд, юуны өмнө гишүүдийн сахилга батыг нэмэгдүүлэх, татвар хураамжаа хугацаандаа төлдөг болох тухай ч хэлэлцжээ.
Ц.ХИШГЭЭ