ХУД-ийн нутаг Чингисийн өргөн чөлөө, Энхтайваны гүүрэн дээр Эрдэм транс ХХК-ны H.Aero City-540 маркийн автобусны жолооч Г нь явган зорчигч 53 настай эрэгтэй Б-г мөргөж гэмтээсэн байна.
Харин Өмнөговь аймгийн Ханбогд сумын Хайрхан багийн нутаг Алтанговь ХХК-ны Гаалийн хяналтын бүсэд “Northbenz” маркийн авто машины жолооч Б нь согтууруулах ундааны зүйл хэрэглэсэн үедээ тээвриййн хэрэгсэл жолоодон явган зорчигч 37 настай эрэгтэй Б-г мөргөж амь насыг нь хохироосон хэрэг гарчээ.
Орон нутгийн замууд халтиргаа гулгаатай ихтэй байгаа тул орон нутгийг чиглэн явах гэж буй тээвэрчид, жолооч та бүхэн тээврийн хэрэгслийн техникийн бүрэн бүтэн байдал, зуны дугуйгаа өвлийн дугуйгаар солих, хамгаалах бүсээр тоноглогдсон тээврийн хэрэгслээр зорчиж байгаа бол хамгаалалтын бүсийг тогтмол хэрэглэж аюулгүй байдлаа сайтар хангаж замын хөдөлгөөнд оролцохыг ЗЦА-аас зөвлөж байна.
Сүүдэртэй байгаа газрын замын цас мөс арилаагүй, хайлсан цас нь оройдоо мөстөж хөдөлгөөний аюулгүй байдалд сөргөөр нөлөөлж байгаа тул жолооч нарыг анхаарал болгоомжтой зорчихыг зөвлөж байна
ЗАМЫН ЦАГДААГИЙН АЛБА
