11 сарын 17-нд нийт нутгаар эрс хүйтэрч, Увс нуур, Идэр, Туул голын хөндий, Дархадын хотгороор шөнөдөө 42-47 градус, Сэлэнгэ, Хараа, Ерөө, Улз, Туул, Онон, Тэрэлж голын хөндийгөөр 35-40 градус хүрч авто болон төмөр замын тээвэрлэлт, малын бэлчээрлэлтэд хүндрэл учруулах нөхцөл байдал бүрдээд байгааг анхаарууллаа.
Цаг уур, орчны шинжилгээний хүрээлэнгээс 11 сарын 16-25 хүртэл өдрүүдэд сүүлийн 10 жилд манай улсад нүүрлэж байгаагүй онцгой хүйтэн өдрүүд болно гэсэн төлөв гарчээ.
11 сарын 16-нд баруун аймгуудын нутгаар, 17-18нд ихэнх нутгаар салхи секундэд 18-20 метр хүрч, зарим үед 24 метр хүрч ширүүсэх бөгөөд цасан болон шороон шуурга шуурч, зам даваа цасаар боогдох нөхцөл байдал үүсч болзошгүй байгаа аж.
О.НАНСАЛМАА