АНУ-ын Ерөнхийлөгчийн сонгууль өндөрлөөд удаагүй байгаа өнөө үед АНУ-д суугаа Монгол иргэд нутаг албадан буцааж магадгүй гэсэн айдастай байна. Учир нь Дональд Трамп ялалт байгуулж АНУ-ын Ерөнхийлөгч болсон. Тэрээр мөрийн хөтөлбөртөө хууль бус цагаач иргэдийг нутаг буцаана гэсэн амлалт тусгаж нэлээд хувийн санал авсан.
Харин манай Гадаад хэргийн яамны бодлого төлөвлөлтийн газрын захирал Ш.Одонбаатар мэдээлэл хийхдээ “АНУ-д манай 35 мянга орчим иргэд байгаа. Одоогийн байдлаар АНУ-аас нутаг буцаах талаар манай яаманд мэдэгдээгүй байна. Мөн яамны зүгээс аль болох нутаг буцаахгүй талаар ярьж ойлгуулж байгаа. Тэнд байгаа манай иргэд АНУ-д цаагаачлан суугаа бусад улсын иргэдтэй харьцуулахад хамгийн найрсаг, хэрэгт холбогдодгүй, Монголыг таниулж байгаа үлгэр жишээ иргэд учир нааштай хандах байх” гэж байлаа.
Тиймээс АНУ-д байгаа Монгол иргэд санаа зоволтгүй байж болох юм.
Б.БАТБААТАР
