Энэ оны төгсгөл, ирэх оны эхээр ам.долларын ханш жаахан буурна гэж сангийн сайд, монголын хур хөрөнгөтэй хүний нэг Б.Чойжилсүрэн хэлээд байдаг.
Гэтэл, салбартаа болон мэргэжлийнхэн дундаа нэр хүндтэй эдийн засагч Ч.Хашчулуун, -Бүх тоглогч Төв банк нөөцгүй байгааг мэдэж байгаа үед хүлээлт үүсэх нь тодорхой. Тэр хүлээлтийг зөв удирдаж чадахгүй бол хичнээн интервенц хийгээд ч сайжрахгүй. Энэ удаагийн мөнгөний ханшын уналт бол Төв банкны нөөцийг дуусгасны дараах уналт юм гэж тодотголоо.
Ямар ч гэсэн ард иргэдийн гар дээр ихээхэн хэмжээний валют эргэлдэж буй нь тодорхой боллоо. Тэдний гар дээрх энэ их валютын хуримтлал, ханшид бас нөлөөлж байгааг эдийн засагчид үгүйсгэхгүй байна. Хамгийн гол шалтгаан нь, иргэд төрдөө итгэх итгэл дэндүү суларсан шинж тэмдгийн илрэл нь, иргэд гар дээрээ ихээхэн хэмжээний валют эргэлдүүлэх болжээ.
Б.БАТБААТАР