Тоглоомондоо улайрсан гурван хөзөрчин. Хар цамцтай залуугийн хөзрөө тавих ээлж иржээ. Аль хөзрөө гаргахаа тэр шийдэж ядан байна. Өд хатгасан малгайтай хөвүүн тэсэж ядан өөдөөс нь цоо ширтэнэ. Өрсөлдөгчдөө ээрүүлсэн нөгөө залуу бүүр ч олхиогүй ноомой болжээ. Яг одоо түүнийг хөзрөө дэлгэнгүүт л наадах нь дарахаар бэлдэн ар нуруундаа нууж барьсан цэцгийн арваа ширээн дээр гарган хаяна. Хожил хаашаа эргэх нь нэгэнт тодорсон шинжтэй. Учир нь өдтөй малгайтай хархүүгийн сайных ч биш. Хэргийн гол эзэн нь шахаанд орсон залуугийн хөзрийг араас нь өнгийн харж буй сахалтай эр болж таарлаа. Тэр бүр хоёр хуруугаа гозойлгон хархүүд дохио өгчээ. Бээлийнийх нь эрхий дунд хурууны өндөг цоорсон нь нэг л сэжигтэй. Гурван хөзөрчний зан үйлдлийг зүгээр л тоглоомын хор шар ов заль гэхсэн.
Харин амьдрал дээр ийм явдал тун муухай. Тэр тусмаа дарга түшмэлүүдийн хувьд. Сандал ширээний төлөө улайран аль ялсан намд нь тал засан давхиж ордог хоёр нүүртнээс цэрвэн болгоомжилмоор...Италийн их зураач Меризи Караваджо аль тэртээ 1596 онд хүмүүст “Булхайтай хөзөрчид” уран зургаараа сануулсан нь өнөөгийн дүр төрхийг харуулжээ.
Ө.РАГЧААСҮРЭН
