Монгол шиг баян, ийм өргөн уудам газар нутагтай, хүн ам нь 3-хан сая, ард иргэд нь бичиг үсэгт тайлагдсан ийм улс орныг хөгжүүлэх тун хялбар. Харин энэ улсыг хөгжүүлэхгүй байх нь маш хэцүү даалгавар гэж гаднын бизнесмен хэлсэн байдаг. Хэн хэлсэн нь тийм ч чухал биш, харин юу хэлсэн нь анхаарал татсан. Тэгэхээр хэн улс орны хөгжлийг ингэж уруу, доош нь татаад байна вэ? гэдгийг асуух ч шаардлага байхгүй. Энэ бол улс орноо гэх сэтгэлгүй, шуналдаа хөтлөгдсөн нөгөө л улс төрчид. Монголын улс төрийн тавцангаас сүүлийн 20 гаруй жил буугаагүй, буусан ч эргэж мацдаг тэр л хүмүүс. Нэрийг нь дурдаад яах вэ, бүгд л цээжилчихсэн. Тэд бол Монголын олигархиуд. Тэд хэзээ ч, би мөнгөний төлөө ажиллахгүй гэж хэлж чадаагүй. Тэгвэл, Монголын жижигхэн охин М.Анхцэцэг тэдгээр "бүлтэрсэн том" олигархуудад өөрийн биеэр хичээл заалаа. Тэр, "Би хэзээ ч мөнгөний төлөө штанг өргөдөггүй, би эх орныхоо төлөө өргөдөг" гэж тэр хэллээ. Анхцэцэгийг бүгдээрээ дэмжие.
Ц.ХИШГЭЭ