Нийслэлийн ирэх оны төсвийн төслийг хуулийн дагуу 11 дүгээр сарын 25-ны дотор НИТХ-д өргөн барих ёстой. Энэ дагуу өнөөдөр Нийслэлийн Засаг дарга бөгөөд Улаанбаатар хотын захирагч С.Батболд нийслэлийн 2017 оны төсвийн төслийг НИТХ-ын дарга Ц.Сандуйд өргөн барилаа. Хотын удирдлагууд ирэх онд боломжит төсвийн хэрэгцээндээ тулгуурлан сургууль, цэцэрлэгийн хүрэлцээг нэмэгдүүлэх, бүтээн байгуулалтыг үргэлжлүүлэх, нийслэлийн иргэдийн ая тухтай, аюулгүй, амар тайван ажиллаж, амьдрах нөхцлийг бүрдүүлж ажиллахаар төлөвлөсөн байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
