2016 оны 11 дүгээр сарын 05-ны өдрөөс 06-нд шилжих шөнө нэгэн айлд гал гарсны улмаас 3 хүн тэр дундаа бяцхан орхин түлэгдэж ГССҮТ-д хэвтэн өдөрт 1-1,3 сая төгрөгийн эмчилгээ хийлгэж байгаа талаар олон нийтийн сүлжээгээр цацагдсан. Энэ мэдээлэл цацагдсаны дараахан сэтгэлийн дэм өгч хандивын данс нээгдсэн байдаг.
Гэвч харамсалтай нь тусламж хүссэн мэдээлэлд тухайн хохирсон иргэдийн данс биш өөр хүний данс байсныг цагдаагийн алба хаагчид тогтоон шалгаж байна. Хэдийгээр нэг айлын 3 хүн түлэгдэн хүндхэн байдалтай байгаа нь үнэн хэдий ч бусдын зовлонгоор ашиг хонжоо хайгчид олширчээ. Уг хэрэг явдлыг одоо шалгаж байна. Иймээс иргэд та бүхэн аливаа мэдээлэлд авталгүй баттай эх сурвалжаас мэдээлэл авахыг Цагдаагийн байгууллага анхааруулж байна.
