Засгийн газрын хэрэгжүүлэгч агентлаг, БТСГ-аас “Спорт хүүхдийн төлөө” олон улсын уулзалт зөвлөгөөнийг зохион байгуулж байна.
Тус уулзалт зөвлөгөөнд Якут (Саха)-ын спортын яам, ОХУ-ын Буриад Улсын спорт, залуучуудын бодлогын яамны төлөөлөгчид, БНХАУ-ын ӨМӨЗО-ны БТСХ-ны удирдлагууд оролцохоор Улаанбаатар хотноо хүрэлцэн ирээд байна.
Энэхүү зөвлөгөөний үеэр Биеийн тамир, спортын их дээд сургуулийн оюутнуудад 2020 онд Улаанбаатар хотноо зохион байгуулагдах “Азийн хүүхдүүд” олон улсын хүүхдийн спортын наадмын талаар мэдээлэл хийнэ. Түүнчлэн ОХУ-ын Буриад улс, ӨМӨЗО-ны албаны хүмүүстэй 2017 онд Улаанбаатар хотноо зохион байгуулах Олон улсын хүүхдийн спортын VII наадмын зохион байгуулалтын талаар хэлэлцэх юм.
Эх сурвалж : БТСГ