1929 оны нэгдүгээр сарын 9-нд байгуулагдсан зохиолчдын эвлэлийн түүхт 88 жилийн ой удахгүй болно. Өнгөрсөн есдүгээр сард Монголын соёл яруу найргийн академийн тэргүүн Г.Мэнд-Ооёо, МЗЭ-ийн УЗ-ийн гишүүн Ү.Хүрэлбаатар, яруу найрагч Л.Моломжамц бид нар Чех улсын Прага хотод болсон дэлхийн яруу найрагчдын 36 дугаар их хуралд оролцсон. Энэ хурлаар ирэх жил Монгол улсад Дэлхийн яруу найрагчдын их хурал болохоор тогтсон байна. Орон орны найрагчид Монголд маань чуулж, шүлэг зохиолоо уншина гэдэг утга зохиолын төдийгүй соёл, аялал жуулчлалын томоохон үйл явдал болох нь дамжиггүй.
Ц.ХИШГЭЭ