Налайхын уурхайд 26 настай залуу осолдож, толгойдоо хүнд гэмтэл авсан байна. Энэ сарын 29-нд “Нүүрсний уурхайгаас гэмтсэн хүн ГССҮТ-д ирж хэвтлээ” гэсэн дуудлага тус дүүргийн цагдаагийн газарт иржээ.
Дуудлагын дагуу шалгахад, нүүрсний уурхайн гүнд ажиллаж байсан 26 настай Б гэгч залуу мөсөнд цохиулсан байжээ. Уг хэргийг Налайх дүүргийн цагдаагийн хэлтэс шалгаж байгаа юм байна. Үүнээс өмнө энэ сарын эхээр гурван хүн дарагдсаныг албаныхан шуурхай ажиллан эсэн мэнд гаргаж авсан билээ.
Эх сурвалж : Зууны мэдээ
