Жил бүрийн арванхоёрдугаар сарын 3-ныг Олон улсын пестицидтэй тэмцэх өдөр болгон тэмдэглэдэг.
Энэтхэгийн Бхопалд пестицидийн үйлдвэрт гарсан экологийн сүйрэлтэй холбогдуулан уг үйл явдлыг мартахгуйн тулд тэмдэглэдэг өдөр аж. Энэ өдрийн гол уриа нь “Пестицид бол соёл иргэншлийн мухардал” бөгөөд дэлхийн нийтийн анхаарлыг энэхүү аюулт химийн бодисыг үйлдвэрлэж ашигласнаас гарах асуудалд татах зорилготой. Пестицид бүх төрлийн хортой тэмцэхэд зориулагдсан химийн бодис буюу холимог юм. Пестицид нь хөдөө аж ахуйн талбайгаас өндөр ургац авах зорилтыг биелүүлж байгаа боловч хөрс, ургамал, амьтан, хүнд эргэж засаршгүй үр дагавар авчирдаг. Харин өнгөрсөн зууны сүүлийн 10 жилээс зарим улс оронд пестицид нь хүн амын эрүүл мэнд, амь нас, амьд байгальд эрсдэлтэй зүйл болох нь тогтоогдож эхэлжээ.
НҮБ-ын шинжээчдийн үзэж буйгаар пестицид нь “чимээгүй сүйрэл”-ийн гол шалтгаан болж байгаа гэнэ. Үүнээс гадна пестицид нь удаан задардаг, тархалт өндөртэй бөгөөд Антарктидын оцон шувуудын бие махбодоос ч илэрсэн гээд үзэхээр агаар, далайн урсгалаар дамжих чадвартай аж.
Д.БУЯНЖАРГАЛ