Ардчилсан намын зургадугаар их хурал өнөөдөр Соёлын төв өргөөнд эхэлнэ.
Хурал арван цагт эхлэх бөгөөд удаагийн их хуралд сум, аймаг, нийслэл, дүүргээс сонгогдсон 1210 төлөөлөгч оролцож, намын дүрмээ шинэчлэн батлах юм байна.
Их хуралтай холбогдуулан Ардчилсан намын Үндэсний зөвлөлдөх хороо /ҮЗХ/ өчигдөр /12.05/ шөнө болтол хуралдаж, намын дүрмийн шинэчлэлийн асуудлаа эцэслэлээ. Намын дүрмийн шинэчлэлд тусгасан гол асуудлуудын нэг нь намын анхан, дунд дээд шатны дарга нарын сонгуулийг товлон зарлаж, намын удирдлагуудыг сонгохдоо намын бүх шатны гишүүдийн оролцоог нэмэгдүүлэх, намын дүрэмд өөрчлөлт оруулах аж. Үүнээс гадна ҮЗХ-ны гишүүдийн тоог нэмэх зэрэг асуудлыг хэлэлцэнэ.
А.ГАНТУЯА