Ардын их хурал хөдөлгөөнөөс ард түмний сонорт хэмээх ухуулах хуудас гарган хотын гудамжаар битүү наасан хэрэг өчигдөр орой гарсан. Ухуулах хуудсанд “Чингис бонд нэрээр босгосон хөрөнгийг нам дамнаж, эрх ашгаараа нэгдсэн олигархиуд хувааж авлаа. Үүнийг та бид үе удмаараа төлнө. Харин тэд хариуцлагын гадна үлдддэгээрээ үлдэнэ. Энэ бүхэн “Монгол Улсад засгийн бүх эрх мэдэл ард түмний мэдэлд” байх Үндсэн хуулийн 3.1 дэх заалт зөрчигдөж, эгэл түмэн бүрэн эрхээ хэрэгжүүлэх боломж хаагдмал байгаагаас үүдэлтэй. Ард олны эрхийг хэрэгжүүлэх ардын их хуралтай болох нь одоогийн тогтолцоог өөрчилж, олигархжсан төрийг халах цорын ганц арга мөн. Цаг нь ирлээ. Тогтолцоог өөрчлөх их үйлсэд нэгдэгтүн” хэмээн бичжээ. Мөн энэ хуудсыг наасан залуусыг цагдаагийн байгууллагын ажилтнууд түр саатуулан байцаасан байна.
Ц.ХИШГЭЭ
