Дөнгөж сая ХХААХҮЯ Сүхбаатар аймгийн Бичигт боомтоор БНХАУ-руу амьдаар нь экспортлохоор ачааны машины тэвшинд ачсан олон тооны адуу үрэгдсэн талаарх мэдээллийн дагуу хэвлэлийн хурал хийлээ.
Малыг амьдаар нь экспортлохыг арваннэгдүгээр сарын 15-нд хориглосон шийдвэр гарсан. Энэ шийдвэрийн дагуу экспортлохыг хориглосон байхад энэ төрлийн бизнес эрхэлдэг аж ахуй нэгж, уг шийдвэрийг үл тоон 800 гаруй адууг амьдаар нь экспортлох оролдлого хийснийг холбогдох албаныхан шалгаж байгаа учраас хэдэн адуу үрэгдсэн талаар тодорхой мэдээлэл байхгүй гэж хэллээ. Одоогоор адууг машинаас буулган, боомтын ойролцоох бэлчээрт тавьжээ.
О.НАНСАЛМАА