Баянгол дүүрэг дэх цагдаагийн хоёрдугаар хэлтсийн хэлтсийн эргүүлийн офицер, ахмад Б.Ундармаа дэд ахлагч М.Билэгсайхан нар хүүхдийн амь аварчээ.
2016 оны 11 сарын 29-ний үдэш “Баянгол дүүргийн дөрөвдүгээр хорооны нутаг дэвсгэрт байрлах “Golden-park” хотхоны 105 дугаар байранд гал гарчээ. Дуудлагын дагуу шуурхай очин шалгахад гал гарсан байрны тог тасарсан, долоодугаар давхраас дээш үзэгдэх орчин муу, маш их утаатай байсан тул хамгаалалтын арга хэмжээ авч, чанга яригчаар иргэдэд сэрэмжлүүлэг зарлаж тус байрны 50 гаруй оршин суугчдыг аюулгүй газар гаргасан байна.
Гал гарсан байрнаас бага насны таван хүүхдийг зөөж гарган, эцэг эхэд нь хүлээлгэн өгч, Онцгой байдлын алба хаагчидтай хамтран ажиллаж, иргэд оршин суугчдыг хамгаалжээ.
Д.БУЯНЖАРГАЛ
