Сүүлийн үед биоэнергийн эмчилгээ газар авах болсон. Казахстаны иргэн Белик. З иргэн Занаагийн урилгаар Монголд хүрэлцэн ирж, түүнийг эмчилж эхэлжээ. Занаагийн хажуугаар зарим нэгэн хүнийг эмчилж, бодитой үр дүн гарч буй тухай иргэн Занаа хэлж, энэ тухай асуудлаар маргааш хэвлэлийн бага хурал хийхээр болсноо зарлалаа.
Белик нь, эмчилгээ хийх албан ёсны зөвшөөрөлтэй бөгөөд, маш үр дүнтэй гэдгийг түүнд үзүүлж, эдгэсэн өвчтөнүүд нь хэлж байна. Арьсны өвчтэй, хорь гаруй жил өвдөж буй хүн маш богино хугацаанд эдгэж, тархины даралттай хүүхэд, даралт ихтэй болон зүрх судас гэхчилэн бүхий л өвчин эмгэгтэй хүмүүсийг биоэнергээр эмчилж чадсаныг мэдсэн учраас Беликийг Монголд урьж, олон жил өвдсөн зүрхээ эмчлүүлж буй гэдгээ Занаа бичсэн байна.
Тэгвэл, Белик шиг, хэт ягаан долгион үүсгэдэг, гартаа ямар ч өвчнийг анагаах чадалтай Монгол эмэгтэй нэрээ нууцалсаар байна. Төрөх нь дөхсөн эмэгтэй мухар олгойны хагалгаанаас болж хүндрэл үүсэж, хүүхдээ авахуулах уу? гэдэг дээрээ мухардсан байдаг. Охины эцэг, эх нь "Таньдгаа авч үлдэе, Таньдаггүйгээ авахуулья" гэдэг шийдвэрийг хүргэн хүүдээ дуулгасан тул, нөхөр болох М эцсийн арга хэмжээгээ авч, нэрээ нууцлах тэр нэгэн эмэгтэйд хандсан байдаг. Биоэнергийн эмчилгээний үр дүнд эхийн бие төдөлгүй илааршиж, хөөрхөн охин төрүүлсэн байдаг. Энэ бол бодит түүх. Тэр эмэгтэйг сураглах, үзүүлэхийг хүсэх хүний тоо өдрөөс өдөрт нэмэгдсэн байна. Байгалийн өгөгдөлтэй, бурхан тэнгэрээс хишигтэй ийм нэгэн Монгол эмэгтэй бидний дунд чимээгүйхэн амьдарч, маш явцуу хүрээнд гайхамшгийг үзүүлж байна. Хүүхдийг бол гайхалтай эмчилнэ гэж үзүүлсэн эцэг, эхчүүд дахин дахин бараалхана. Бүхий л өвчнийг тэр эмчилнэ. Хүүхдийн тархины даралт, бөөр, элэг цөс, зүрх, бэртсэн гар хөл гээд үзүүлсэн хүмүүсийнх нь өвчин нь илааршсаар. Нэгэн өдөр Control.mn энэ эмэгтэйг нээх болно.
Ц.ЭНХБАТ