Монголын сэтгүүлийн зах зээлд "Соронз", "Гранд" сэтгүүлтэй мөр зэрэгцсэн PEOPLЕ Мongolia сэтгүүлээс "PEOPLE AWARDS-2016" буюу салбар салбарын оны хүнийг нэрлэх ёслолын үйл ажиллагаагаа энэ сарын сүүлээр хүндэтгэлтэйгээр зохион байгуулна гэж тус сэтгүүлийн эрхлэгч С.Бэлэгмаа хэлэв.
Улс төр, нийгэм, эдийн засаг, урлаг соёлын шилдгүүдийг онлайн санал асуулгын дүнд тулгуурлаж, редакцийн зөвлөл нь эцэслэн шийдвэрлэнэ гэдгээ тодотголоо. Time сэтгүүлийн уншигчдын саналаар оны хүнээр Энэтхэгийн ерөнхий сайд тодорч байсан бол, тус сэтгүүлийн редакциас оны хүнээр Д.Трампыг нэрлэсэн. Энэ л зарчмаар шалгаруулалт явагдана гэж People Mongolia сэтгүүлийн хамт олон тодотгож байна.
Монголын хамгийн нөлөө бүхий улс төрч хэн бэ? гэсэн санал асуулгыг одоогоор, УИХ гишүүн, АН-ын дарга, ерөнхий сайд асан Н.Алтанхуяг 41%-иар тэргүүлж, 33%-иар Ц.Нямдорж удаалж, 12%-иар УИХ-ын дарга, МАН-ын дарга М.Энхболд гуравдугаарт явна. Дөрөв, тав, зургадугаарт, Ц.Элбэгдорж, Ж.Эрдэнэбат, У.Хүрэлсүх нар жагсаж байна. Та эдгээр улс төрчийн хэн нэгнийг дэмжие гэвэл, Control.mn-ийн мэдээллийн сайтын санал асуулгад оролцоорой. Санал асуулга үргэлжилж байна.
Ц.ХИШГЭЭ