Монголын хамгийн хүнд жинтэй бөх бол улсын начин Сугаржаргал. 11-р сарын сүүлчээр түүнийг зодож танхайрсан хэрэг Цагдаагийн газарт бүртгэгджээ. Дуучин Амармандахтай л төстэйвтэр үйл явдал 11-р сарын 28-ны орой нийслэлийн нэгэн бааранд болсон байна. Ялгаа нь гэвэл, монголчууд монголчуудаа хайр найргүй зоджээ. Бааранд үйлчлүүлж байсан Сугаржаргалыг 4 залуу орж ирээд, тархи руу нь архины шилээр цохиж, ухаан нь балартангуут, архины шилээ хагалан нүүр амыг нь сийчсэн тухай цагдаагийн байгууллага мэдээлж байна. Сугаржаргал одоогоор Гэмтлийн эмнэлэгт эмчлүүлж байгаа бөгөөд, түүнийг зодсон танхай этгээдүүдийг шалгаж байгаа юм байна. Бүх үйлдэл нь баарны камерт бичигдсэн байжээ.
А.ГАНТУЯА
