Анх биеэ дааж дэвшиж үзсэн. Цаг үе нь болоогүй байсан уу, түүнийг нийгэм хүлээж аваагүй. Тэгэхээр нь МАН-д элсэж, хүчин зүтгэж, МАН-ыг засаг барих үед Сангийн яамны дэд сайдын албан тушаалыг ч хашиж үзсэн хүн бол "Хас"-ын гэх тодотголтой Ганхуяг. Одоо тэр "Ард даатгал" санхүүгийн байгууллагыг удирддаг, Монгол шуудан компанийн хувьцааг эзэмшдэг гээд түүний бизнесийн хүрээ өргөн. Харин тэр улс төрд сорих бодлоо нуухгүй байна.
Хэрвээ МАН-ын бага хурлаар одоо байгаа ерөнхий нарийн бичгийн даргыг жинхлэлгүйгээр, өрсөлдөөн зарлавал, тэр оролцоход бэлэн байгаа аж. Намд ч гэсэн менежмент хэрэгтэй гэж Ганхуяг үзэж байна. АН-ын гишүүд намын даргаа сонгох гэж тэмцэлдэж буй бол, МАН-д гэсэн ерөнхий нарийн бичгийн дарга нь анхаарлыг төвд оржээ. Энэ албан тушаал бол УИХ, Засгийн газрын гишүүнээс ч өндрөөр үнэлэгдэж байгаа юм байна.
Д.АРИУНБААТАР